Home
Profil
Publikashon
Partnernan
Kontakto

Profil

SRA-Caribbean ta traha ku un tim multidisiplinario i multikultural ku konosementu amplio i eksperensia ku e situashon na Karibe (Hulandes). E motor tras di SRA-Caribbean ta Nelly Schotborgh. El a terminá e estudionan Antropologia Kutural i Kriminologia na Universidat di Utrecht. Banda di esei el a haña e título ‘Certified Fraud Examiner’ di e asosiashon merikano Association for Certified Fraud Examiners. Despues di su estudio el a traha seis aña serka Centrale Recherche Informatiedienst na Hulanda.

For di aña 1999 Nelly ta biba i traha na Kòrsou. Di 2000 te ku 2009 el a hasi investigashon finansiero forénsiko pa Ernst & Young i Forensic Services Caibbean NV na Kòrsou, Sint Maarten, Boneiru, Aruba i Sürnam. Asina el a haña bista kla den froude, korupshon, aktividatnan relashoná ku labamentu di plaka i violashon di integridat den sektor públiko i privá. E eksperensia ei a siñele ku dor di tantu medidanan organisatorio (chèks & bálanses) komo medidanan relashoná ku personal (screening, training, guia) iregularidat por keda evitá. A base di e motivashon ei SRA-Caribbean a keda lantá. Nelly huntu ku su tim ta guia organisashonnan ku problemanan di integridat, i kriminalidat. Banda di esei Nelly ta trahando riba un tésis tokante e kousa di froude i korupshon  atministrativo i públiko den Karibe Hulandes. Den pasado el a yega di publiká tokante di e tópikonan aki i otro formanan di kriminalidat. Pa un bista general i kompleto wak su CV.

 

UNDP-report: "Caribbean's high crime rate is hindering development"
>>>
Avondseminar 'Integriteit van Bestuur'
>>>
Developed with QwikZite (version 1.12)